|
Comisiwn y Cynulliad |
|
Lleoliad: |
Swyddfa’r Llywydd, 4ydd llawr - Ty Hywel |
|
|
||
|
Dyddiad: |
Dydd Iau, 27 Medi 2012 |
|
|||
|
Amser: |
10: - 12:45 |
|
|||
|
|
|||||
|
|
|||||
|
Cofnodion: AC(4)2012(7) |
|||||
|
|
|
|
|||
|
Yn bresennol: |
|
Rosemary Butler (Cadeirydd) Peter Black Angela Burns Sandy Mewies Rhodri Glyn Thomas |
|||
|
|
|
||||
|
|
|
|
|||
|
Swyddogion yn bresennol: |
|
Claire Clancy, Y Prif Weithredwr a Chlerc y Cynulliad (Swyddog) Adrian Crompton, Cyfarwyddwr Busnes y Cynulliad (Swyddog) Craig Stephenson, Prif Ysgrifennydd Preifat y Llywydd (Swyddog) Keith Bush, Cyfarwyddwr y Gwasanaethau Cyfreithiol (Swyddog) Steven O'Donoghue, Pennaeth Adnoddau'r Cynulliad (Swyddog) Nicola Callow, Pennaeth Cyllid (Swyddog) Dave Tosh (Swyddog) Non Gwilym (Swyddog) Carys Evans, Prif Ysgrifennydd y Comisiwn (Swyddog)
|
|||
|
|
|
||||
|
|
|
|
|||
|
Eraill yn bresennol: |
|
Mair Barnes, Cynghorwr Annibynnol David Melding, y Dirprwy Lywydd
|
|||
|
|
|
||||
1. Cyflwyniad y Cadeirydd
1(i) Cyflwyniad ac ymddiheuriadau
Bydd Keith Bush, Cyfarwyddwr Gwasanaethau Cyfreithiol, yn gadael y Cynulliad ym mis Hydref. Diolchodd y Llywydd a'r Comisiynwyr i Keith am ei gyngor a'i wasanaeth arbenigol ac amhrisiadwy yn ystod ei amser yn y Cynulliad a dymuno'n dda iddo yn y dyfodol.
1(ii) Datganiadau o fuddiant
Ni chafwyd unrhyw ddatganiadau o fuddiant.
1(iii) Cofnodion y Cyfarfod Blaenorol
Cytunodd y Comisiynwyr ar gofnodion 12 Gorffennaf 2012.
2. Cyllideb ddrafft 2013-14
Mae'r Rheolau Sefydlog yn ei gwneud yn ofynnol i'r Comisiwn osod ei gyllideb ddrafft yn flynyddol erbyn 1 Hydref. Mae cyllideb ddrafft 2013-14 y Comisiwn yn nodi'r adnoddau ariannol sydd eu hangen i ddarparu gwaith Gwasanaethau'r Cynulliad sy'n flaenoriaeth yn ogystal â'r gyllideb sydd ei hangen i ariannu Penderfyniad y Bwrdd Taliadau ar gyfer Aelodau'r Cynulliad.
Cytunodd y Comisiwn ar ei gyllideb ddrafft, a gofyn iddo gael ei osod yn unol â'r Rheolau Sefydlog. Bydd Angela Burns AC, y Comisiynydd â chyfrifoldeb dros adnoddau, yn mynd i gyfarfod y Pwyllgor Cyllid ar 3 Hydref 2012 i sesiwn graffu ar y gyllideb ddrafft.
Diolchodd y Comisiynwyr i'r swyddogion am eu gwaith ar y gyllideb ddrafft hyd yma.
Cytunwyd na fyddai'r papur yn cael ei gyhoeddi gan y byddai'r gyllideb ddrafft yn cael ei gosod y diwrnod canlynol.
Cam i'w gymryd: Swyddogion i osod dogfen cyllideb ddrafft 2013-14 gerbron y Cynulliad ar 28 Medi 2012
3. Strategaeth ddrafft ar gyfer gwasanaethau TGCh yn y dyfodol
Bydd Cytundeb Merlin, ar gyfer darparu gwasanaethau TGCh i'r Cynulliad, yn dod i ben yn 2014. Mae'n ofynnol bod y Comisiwn yn hysbysu Llywodraeth Cymru ac Atos o'i benderfyniad ynghylch darparu gwasanaethau TGCh i'r Cynulliad yn y dyfodol erbyn mis Ebrill 2013.
Ym mis Tachwedd 2011, cytunodd y Comisiwn i asesu dau opsiwn: ymestyn cytundeb Merlin; neu symud at ddarpariaeth fewnol gymysg.
Ystyriodd y Pwyllgor ei strategaeth ddrafft ar gyfer gwasanaethau TGCh yn y dyfodol a chytuno i ddod i benderfyniad o ran darpariaeth gwasanaethau TGCh yn y dyfodol ym mis Tachwedd 2012.
Bydd y Comisiynwyr yn trafod hyn ymhellach mewn cyfarfod ychwanegol ym mis Hydref.
Cytunwyd na fyddai'r papur yn cael ei gyhoeddi oherwydd natur fasnachol ei gynnwys.
Cam i'w gymryd: Swyddogion i ddarparu costau manylach.
4. Bil Cynulliad Cenedlaethol Cymru (Ieithoedd Swyddogol) a’r Cynllun Gwasanaethau Dwyieithog
Trafododd y Comisiwn drafodion Cyfnod 3 a 4 y Bil, sydd i ddigwydd yn y Cyfarfod Llawn ddydd Mercher 3 Hydref, a chlywed y wybodaeth ddiweddaraf ar faterion yn ymwneud â'r Bil a'r Cynllun.
Diolchodd y Comisiynwyr i'r swyddogion am eu hymdrechion hyd yma yn cefnogi'r Bil wrth iddo gael ei ystyried gan y Cynulliad.
5. Y wybodaeth ddiweddaraf ac awgrymiadau gan y Comisiynydd
Rhannodd y Comisiynwyr y wybodaeth ddiweddaraf am faterion yn ymwneud â'u portffolios.
Darparu cefnogaeth seneddol o'r radd flaenaf
Mae’r gweithgareddau a ganlyn yn mynd rhagddynt: datblygu technoleg XML ar gyfer trafodion y Cyfarfod Llawn, datblygu Ap ar gyfer y Cynulliad, ac ymestyn cyfleusterau di-wifr ar draws yr ystâd.
Defnyddio adnoddau'n ddoeth
Clywodd y Comisiynwyr y wybodaeth ddiweddaraf am adolygiad y Bwrdd Taliadau Annibynnol o staff Aelodau'r Cynulliad a'r adolygiad o drefniadau pensiwn Aelodau'r Cynulliad.
6. Papur i'w nodi – Cofnodion y Pwyllgor Archwilio
Cafodd y Comisiwn y wybodaeth ddiweddaraf ar lafar yng nghyfarfod y Comisiwn ar 12 Gorffennaf, ond nid oedd y cofnodion ar gael i'w cymeradwyo yn y cyfarfod hwnnw. Nododd y Comisiwn y cofnodion.
7. Unrhyw Fusnes Arall
Clywodd y Comisiynwyr fod set newydd o Gynghorwyr Annibynnol yn cael eu recriwtio ar hyn o bryd.
Rhoddodd Keith Bush y wybodaeth ddiweddaraf i'r Comisiynwyr am yr her i gymhwysedd y Cynulliad o ran Bil Is-ddeddfau Llywodraeth Leol (Cymru).
Yr Ysgrifenyddiaeth
Medi 2012